ME PAK FJALË
Besiana Sinanaj është një artiste eklektike që lundron në ujërat e artit, shkencës dhe arsimit. E lindur në Shqipëri, por e rritur në tropikun e gjelbërt, zonat e buta dhe shkretëtirën përvëluese, përvoja dhe dashuria e saj për kulturat dhe ekosistemet e ndryshme frymëzon artin e saj.
Welcome! Mirë se vini! Ndewo! !مرحبا Bienvenu(e)! Karibu! Herzlich Willkommen!欢迎!
Unë quhem Besiana dhe është një kënaqësi e madhe që ju kam këtu, duke eksploruar faqen e kompanisë sime. E marr me mënd se jeni këtu për të marr vesh se si u krijua BESIANA. Si një i ri në skenë, do të bëj çmos për të shuar kureshtjen tuaj. Vazhdoni të lexoni!
Në vitin 2022, pasi përfundova doktoraturën në Biologji dhe u bëra shkenctare në Universitetin e Sheffield (UK), u ula me një filxhan çaj bimor dhe meditova mbi të ardhmen time. Isha gati për një sfidë të re. Këtë herë, diçka përmbushëse ku krijimtaria ime mund të vraponte e lirë. Disa muaj më vonë, themelova kompaninë time të artit. Është shfaqje me një aktore për momentin – unë drejtoj gjithçka – nga krijimi i veprave origjinale të artit, tek shitja e tyre dhe mbajtja e financave, logjistika dhe marketingu. Ka ecur mirë deri tani falë natyrës sime ambicioze dhe përvojës sime në art.
Unë kam vizatuar dhe pikturuar për aq kohë sa mbaj mend. Në fakt, gjurma më e lashtë e artit tim është një vizatim me stilolaps i një 'ciu ciu' i bërë në vitin 1996. Jo keq për një fëmijë njëvjeçar!
Midis fëmijërisë dhe fillimit të moshës madhore, arti ishte një dëfrim i rëndësishëm për mua. E derdhja shpirtin në shumë kanavacë dhe nuk befasohesha kur zbuloja se njërëzit e panjohur shpesh ishin në gjendje të bënin vërejtje të sakta rreth karakterit dhe gjendjen time shpirtërore vetëm duke i parë ato. Oscar Wilde e përmbledh atë bukur në një nga thënjet e mia të preferuara të artit:
“Çdo portret i pikturuar me ndjenjë është portret i artistit, jo i personit që pozon. Ai person është thjesht aksidenti, rasti. Nuk është ai që zbulohet nga piktori; është më tepër piktori ai që në kanavacën me ngjyra zbulon vetveten”.
- O.W.
nga 'Portreti i Dorian Grey-it'
Përveç lëndës në shkollë, nuk kam pasur asnjë trajnim zyrtarë në artet vizuale. Teknikat që përdor në punën time janë kryesisht autodidakte dhe shumë janë frymëzuar nga vizitat në galeritë e arteve dhe të jetuarit në qytete si Port Harcourt dhe Bristol (UK), ku motive vezuluese shfaqen në çdo cep të rrugës. Unë admiroj shumë artistë, stilistë dhe lëvizje arti, mes tyre, Pre-Raphaelitët dhe Art Nouveau.
Vitet e fundit, zbulimi që veprat e mija të artit rezonojnë me njerëz nga vënde dhe sfera të ndryshme të jetës më ka inkurajuar të mendoj për përdorimin e tyre për një qëllim më të lartë. Në fillim të karrierës sime shkencore, fillova të integroja artin në diagrame për t'i bërë ato që të binin në sy dhe pashë që kjo u prit mirë si nga komuniteti shkencor ashtu edhe nga publiku i gjerë. Zbulimi i kësaj më ndihmoi të filloja të përcaktoja një vizion për një kompani arti... Dhe ja ku jemi! Tani dua t'ju prezantoj me qëllimet kryesore të BESIANA-s.
QËLLIMET E MIJA
(i) T'ju sjellë njerëzve gëzim duke i ndihmuar ata të lidhen me natyrën.
(ii) Ta bëj shkencën të aksesueshme brenda dhe jashtë komunitetit shkencor.
(iii) Të nxjerrë në pah çështjet globale që të inkurajojë diskutime dhe ndryshime.
(iv) Të mbaj gjallë artin e punuar me dorë.
Ju mund të mendoni se këto janë qëllime mjaft të thella. Jam dakord. Nganjëherë është mirë të kemi ëndrra të mëdha, ndërsa gjejmë gëzim në çdo ndryshim të vogël që bëjmë. Qëllimet e mia janë të lidhura ngushtë me besimet e mia personale, disa prej të cilave i kam paraqitur më poshtë në kontekstin e kompanisë sime.
Lidhja midis njerëzimit dhe botës natyrore është e shenjtë.
Unë besoj në rëndësinë e mbajtjes së natyrës afër ndërsa lundrojmë në xhunglën urbane të shoqërisë moderne. Pse? Sepse planeti ynë është i bukur. Çdo kontinent është i mbuluar me flora dhe fauna të mahnitshme që meritojnë të vlerësohen dhe të mbrohen. Të mirat fizike, mendore dhe shpirtërore të kalimit të kohës në natyrë njihen nga shumë kultura dhe mbështeten nga shkenca. Për fat të keq, koha cilësore jashtë po bëhet një luks për shumë njerëz. Si mund ta përballojmë këtë? Duke sjellë natyrën brenda në shtëpi dhe në vendpunë përmes artit.
Angazhimi me artin është një e drejtë themelore e njeriut.
Neni 27 i Deklaratës Universale të të Drejtave të Njeriut, thotë: “Çdokush ka të drejtë të marrë pjesë lirisht në jetën kulturore të komunitetit, të shijojë artet dhe të marrë pjesë në përparimin shkencor dhe përfitimet e tij”. Jam plotësisht dakord. Arti është një gjuhë universale dhe një vegël për shprehjen krijuese dhe aktivizmit. Artet inkurajojnë mënyra të reja të menduarit, kërkojnë ndryshim për të mirë dhe festojnë identitetin. Çfarë e mirë na sjell arti evokativ që nuk mund të shijohet nga të gjithë? Kjo është arsyeja pse unë shes një shumëllojshmëri produktesh që i përputhen një sërë buxhetesh.
Shkenca e aksesueshme hap dyert për dialogun krijues.
Unë besoj se që t'ju gjejmë zgjidhje sfidave sociale, mjedisore dhe shkencore me të cilat përballet bota sot, të gjithë duhet të marrin pjesë në bisedë. Bisedat kuptimplote ndodhin kur njohuria shkencore ndahet me të tjerët përmes komunikimit efektiv, durimit dhe ndjeshmërisë. Sa më shumë të shkëmbejmë me njëri-tjetrin, aq më shpejt do të jetë ritmi i zhvillimit tonë dhe aq më të mëdha janë shanset tona për të bërë zbulime të reja. Idetë e mira mund të vijnë nga vendet më të papritura.
Veprimet e mira çojnë në karma të mirë.
Unë besoj në konceptin e karmës së mirë. Aktet e vërteta të mirësisë ushqejnë një cikël të përhershëm të pozitivitetit dhe përfundimisht bejnë një rreth të plotë dhe kthehen tek ne. Produktet e mia të artit janë dhurata të mëdha që ngrejnë lart si dhënësin ashtu edhe marrësin. Disa prej tyre bëjnë edhe më shumë. Unë ja dhuroj një përqindje të fitimeve nga vepra arti të veçanta shkaqeve që më interesojnë. Këto përfshijnë ruajtjen e njohurive të popullit dhe kulturës, fuqizimin e individëve, përdorimi i arsyeshëm i burimeve, arsimimi dhe higjiena.
Shpresoj që duke përshkruar thelbin e kompanisë sime ju kam frymëzuar dhe ju kam bërë të ndiheni të sigurt për zgjedhjen e produkteve dhe shërbimeve të mia të artit. Mos ngurroni të më ndiqni në mediat sociale për të qenë të përditësuar me aktivitetin tim dhe ju lutem më kontaktoni direkt në: art.by.besiana@gmail.com për të gjitha pyetjet. Ju dërgoj plot energji pozitive!
